Baby na pinangalanang ‘Covid Bryant’, agaw-pansin sa social media

Hindi na bago sa Pilipinas ang mga nanay na isinusunod ang pangalan ng kanilang anak sa nagdaang bagyo kung kailan sila nagsilang.

Pero ibang klase ang isang nanay na usap-usapan ngayon sa Twitter matapos umanong pangalanan ng “Covid Bryant” ang isinilang niyang sanggol noong Marso 15.

Pinagsama lang naman ng nanay ang acronym ng 2019-coronavirus disease at pangalan ng yumaong NBA superstar Kobe Bryant.

Sa nag-viral na screenshot ng isang message, sinabi ng sender na “Covid Bryant” ang binigay na pangalan sa baby boy ng anak ng isa nilang kasambahay.

“Anak ng teteng! I just found out through FB that the daughter of our kasambahay gave birth this morning, March 15, Day 1 of Metro Manila Quarantine, and named the baby boy COVID BRYANT. Nemen! Kawawang bata ere,” sabi sa message.

“I called up the mother just now and confirmed it’s true. *Slaps head*” dagdag pa ng sender.

Hati naman ang reaksyon dito ng netizens; may mga natuwa at na-good vibes, habang ang iba naman ay nalungkot dahil ikinabit sa bata ang dalawang “bad news” ng taong 2020.

Narito ang ilang reaksyon ng netizens:


Kasalukuyang kinahaharap ng buong mundo ang COVID-19 pandemic, at si Bryant naman ay binawian ng buhay sa helicopter crash noong Enero.