Ian Veneracion, hinangaan sa kanyang payo sa mga anak na lalaki

Hinangaang muli si Ian Veneracion sa binahagi nitong payo sa kanyang mga anak na lalaki pagdating sa pakikipagrelasyon. Aniya, madaling mambabae ngunit hindi umano ito cool at naniniwala siyang ang pagiging matapat sa taong karelasyon ang tamang gawin.

Sa kanyang guesting sa vlog ni Karen Davila ay nabanggit niya ang tungkol sa kanyang payo na ito sa kanyang mga anak na lalaki.

"Madaling mambabae, kahit sino puwedeng mambabae. There’s nothing cool about it. Pero ’yung sticking to the one you know that’s meant for you, that’s the right path. It takes more of a man to be like that."

Si Ian ay maagang ikinasal sa kanyang misis at sila ay 25 taon nang mag-asawa.

Si Ian Veneracion ay isang kapamilya star na kahit may edad na ay patuloy na tinitilian ng mga kababaihan. Sa kanyang edad, marami pa rin ang kanyang ginawang mga teleserye at pelikula bilang leading man. Ilan sa mga teleseryeng kanyang pinagbidahan ay A Love to Last, Pangako Sa' Yo at Darating ang Umaga.