Andrea Brillantes, hindi sadya ang pagbe-baby talk: "Part siya ng childhood ko na nawala"

Naibahagi ni Andrea Brillantes ang tungkol sa kanyang pagbe-baby talk na aniya ay hindi niya sinasadya. Lumalabas umano iyon ng kusa lalo kapag pakiramdam niya ay naalagaan siya ng taong malapit sa kanya.

Noong bata umano siya ay kulang umano siya sa pansin kahit bunso siya at hindi siya lumaki sa mga magulang niya. Aniya, hindi niya napapansin na ganun na siya nagsasalita at minsan ay nagugulat na lamang siya kapag inaasar na siya ng mga tao.

“‘Yung pagbe-baby talk ko na palaging nagte-trending, voice ko talaga siya pero hindi siya ‘yung napipili ko subconsciously. Bigla lang siya nagsi-switch kasi nung bata ako kulang ako sa pansin — bunso ako then hindi ako lumaki sa parents ko – baby-baby talaga ako,” Brillantes said. “Minsan tsaka ko na lang siya mari-realize ‘pag inaasar na ako ng tao na nagbe-baby talk ako.”

Nababago lang umano niya ito kapag nasa trabaho siya at may role siyang kailangang gampanan.

Si Andrea Brillantes ay isang aktres na nakilala sa kanyang pagganap bilang si Annaliza sa isang kapamilya teleserye.Nakilala siya sa kanyang mahusay na pagganap sa mga kontrabida role kagaya ng kanyang pagganap bilang si Marga Mondragon sa hit TV series na "Kadenang Ginto" na nagkaroon ng remake sa ibang bansa dahil sa tagumpay nito.