OFW, sinuwerte sa amo na isa palang prinsesa sa Saudi Arabia

Masasabing masuwerte ang 46-anyos na OFW sa Saudi Arabia na si Elizabeth Hernandez.

Nalaman ng Trending Bytes, ang amo pala ni Elizabeth ay isang prinsesa ng Saudi.

Sa loob ng 20 taon na paninilbihan sa prinsesa, pamilya na ang turing niya rito. Para na rin daw niyang ina ang inaalagaan niyang ito.

Ang masaya pa sa kanyang trabaho, may pocket money pa siya sa tuwing magta-travel sila ng prinsesa.

Kaya naman marami-rami na rin siyang mga lugar na napuntahan tulad ng London, Dubai, Jedah, New York, Paris at Austria.

Kaya naman ganoon na lang ang pasasalamat niya sa kanyang amo na nakatulong din umano sa kanya sa pagapaptayo ng kanyang bahay sa Laguna.

Pinasalamatan din si Elizabeth ng kanyang anak na kahit hindi niya nakakasama ng madalas, maayos naman itong napalaki ng ama.

Narito ang kabuuan ng kwento ni Elizabeth mula sa 'Dapat Alam Mo' ng GMA News: