Rica Peralejo, binahagi ang kanilang "life without kasambahay for a week"

Aminado si Rica Peralejo na hindi madali para sa kanila kapag walang kasambahay. Sa isang vlog episode, pinakita niya ang kanilang naging kalagayan matapos magbakasyon ang kanilang kasambahay nang sang linggo dahil umuwi para sa graduation ng anak.

Isa-isang pinakita ni Rica ang naging ayos ng bahay nila matapos maglaro ang kanyang mga anak. Aniya, hindi naman palaging maayos ang bahay nila lalo na kapag wala ang kanilang kasambahay.

Hindi umano sapat ang oras para sa kanilang mag-asawa na gawin ang mga bagay-bagay lalo at parehas silang nagtatrabaho at parehas na aktibo ang kanilang dalawang anak.

Nagsimula si Rica Peralejo sa pag-aartista sa pamamagitan ng Ang TV. Naging bahagi din siya ng Gimik at Oka Tokat, Mula sa Puso, Marinella, Kay Tagal Kang Hinintay, Sineserye Presents: Palimos ng Pag-ibig, Sa Piling Mo at Pangarap na Bituin. Iniwan ni Rica ang pag-aartista upang matutukan ang kanyang pamilya. Biniyayaan sila ng kanyang asawang si pastor Joseph Bonifacio ng dalawang anak na lalaki.