Leobert Dasmariñas, sumailalim na sa polygraph o lie detector test

Base sa nilabas na pictures ng Super Radyo DYSP 909Khz Palawan, inihanda ng National Bureau of Investigation (NBI) si Leobert Dasmariñas sa pagsasailalim nito sa polygraph o lie detector test. Nauna na ring sinabi ni Senator Raffy Tulfo na magsasagawa sila ng independent polygraph test.

Inaabangan na rin ng taong-bayan ang lalabas sa sinagawang DNA test ng NBI sa mga natagpuan kalansay na diumano'y kay Jovelyn Galleno.

Matatandaang matapos ang kanyang pag-amin, binawi ni Leobert ang kanyang salaysay nang makalabas siya sa kulungan matapos matulungan ni Cong. Edward Hagedorn. Hiniling niya ang tulong mula kay Senator Raffy Tulfo.

Ang 22-anyos na si Jovelyn Galleno ay isang working student na nagtatrabaho sa isang mall sa Palawan. Gumulantang sa mga tao ang kanyang pagkawala noong August 5, 2022. Ayon sa pahayag ng kanyang pamilya at maging ng kanyang manager, 6:30 p.m. ay nakapag-out na siya sa kanyang trabaho at nakapag-chat pa ito sa kanyang kapatid ngunit hindi na ito nakauwi.