Pambansang Kolokoy, nakiusap na huwag nang pakialaman ang kanilang pribadong buhay

Nakiusap si Joel Mondina o mas kilala bilang Pambansang Kolokoy na kung maari ay huwag na lang pakialaman ang pribadong buhay nila. Kasunod ito ng pagsasapubliko niya ng paghihiwalay nila ng asawang si Marites Mondina matapos ang mahigit 20 taong pagsasama.

Sa kanyang bagong video na binahagi, makikitang nakikipagbiruan naman sa kanya si Marites. Aniya, hindi naman niya mapipigilan ang mga taong nagsasabing mag-uunsubscribe na sa kanya kasunod ng kanyang binahaging update sa kanilang buhay.

Gayunpaman, aniya ay sana i-enjoy na lamang ng mga netizens ang mga video na kanyang ginagawa.

Ang content creator na si Joel Mondina o mas kilala bilang Pambansang Kolokoy ay nakilala sa kanyang mga nakakaaliw na mga online videos. Isinilang siya sa La Union at lumaki sa Baguio City kasama ang kanyang lolo at lola. Taong 1994 nang lumipat siya sa US para makasama ang kanyang mga magulang na OFW.