Whamos Cruz, niregaluhan ng bagong sasakyan si Antonette sa kanilang 14th monthsary

Naging emosyonal si Antonette Gail nang ipakita ni Whamos Cruz ang kanyang regalo para sa girlfriend sa kanilang pagdiriwang ng ika-14 na buwan bilang magkasintahan. Bukod sa bouquet ng bulaklak, balloons, tarpaulin at cake, sinorpresa din ni Whamos si Antonette ng isang bagong sasakyan.

Bago tuluyang ipakita ni Whamos ang sasakyan, tinanong niya muna si Antonette kung ano ang wish niya. Ani Antonette, wish niya na sana umano ay marami pa silang ma-achieve sa buhay nila.

Ayon kay Whamos, matagal niyang pinag-ipunan ang para sa sorpresa niya para kay Antonette.

Si Whamos Cruz ay isang TikTok at YouTube content creator at isang social media star. Bukod sa kanyang mga viral video sa social media, nag-viral din ang kanyang pagsali sa Idol Philippines kung saan kinaaliwan siya ng mga judges. Matatandaang nakilala ang dalawa nang umabot sa programa ni Raffy Tulfo ang sumbong ng ina ni Antonette. Kaugnay ito sa pagtira umano ni Antonette kasama si Whamos. Tinutulan ito ng kanyang ina.