Sharon Cuneta, hindi pinapasok sa Hermes store sa Seoul, South Korea

Hindi pinapasok si Sharon Cuneta sa Hermes store sa Seoul, South Korea kaya sa Louis Vuitton na lamang siya namili kung saan maayos ang naging pagtanggap sa kanila. Matapos niyang mamili ay nadaanan nilang muli ang store kung saan hindi siya pinapasok.

Matapos ang nangyari ay tila hindi naman naging malaking bagay kay Sharon ang hindi pagpapasok sa kanya sa naturang store kung saan balak lang umano sana niyang bumili ng sinturon.

Habang naglalakad ay puring-puri naman ng Megastar ang kapaligiran na malinis at walang masyadong ingay mula sa pagbubusina ng mga sasakyan. Aniya, pangarap niyang maging maayos din ang Pilipinas.

Si Sharon Gamboa Cuneta-Pangilinan ay isang Pinay na aktres, mang-aawit, TV host at endorser. Kilala siya sa bansag na "Megastar" dahil sa kanyang matagumpay na showbiz career. Siya ang asawa ni Senator Kiko Pangilinan.