Zeinab Harake, naka-focus na lang umano sa kanyang mga anak

Ani Zeinab Harake, nakikita niya ang sarili niya bilang isang supportive na single mom 20 years mula sa kasalukuyan. Aniya, hindi niya masasabi sa loob ng 20 taon kung makakakilala pa siya ng lalaking hindi siya lolokohin.

Sa panibagong vlog ni Jelai Andres ay nakasama niya ang mga kaibigang sina Zeinab at Donnalyn Bartolome.

Para naman kay Jelai ay nakikita niya ang sarili niyang meron nang sarili niyang pamilya. Para naman kay Donnalyn, nakikita niya umano ang sarili niyang may mga anak na rin.

Si Zeinab Harake ay isa sa pinakakilalang social media influencer at YouTube content creator sa bansa na mayroong milyon-milyong subscribers. Matatandaang naging kontrobersiyal ang relasyon nila ng rapper na si Skusta Clee. Nabiyayaan sila ng isang anak ngunit tuluyan na silang naghiwalay.