Dating artistang si Brandy Ayala, kalunos-lunos ang kalagayan

Naibahagi ni Morly Alinio sa kanyang YouTube show ang kasalukuyang kalagayan ng 80's star na si Brandy Ayala. Pagala-gala na lang daw ito dahil nabenta na ang bahay nila.

Base sa kwento ng kanyang mga kabarangay, hindi raw ito tumatanggap ng pagkain at mas gusto niyang maghanap sa basurahan ng kanyang makakain.

Sinubukan ni Morly na bigyan ito ng pagkain ngunit umayaw ito. TInanggap lamang niya ang baryang binigay sa kanya at bumili ng sigarilyo. Nagpumilit pa itong ibalik ang sukli sa baryang binigay sa kanya.

Matatandaang napabalita noon na ang dahilan nito ay ang pag-gamit niya ng pinagbabawal na gamot.

Nakilala si Brandy noong dekada '80 bilang isa sa "Liquor Beauties," at discovery siya ng controversial talent manager na si Rey dela Cruz. Makalipas ang halos dalawang dekada, naging paksa ng mga television talk show at public service program si Brandy dahil naging palabuy-laboy ito sa Divisoria, namamalimos at nanghihingi ng makakain.